Leviticus 6:1 ουοϩ α `πϭοις ςαϫι νεμ μωυςης εϥϫω `μμος ναϥ
Leviticus 6:2 ϫε ϩονϩεν ετοτϥ νααρων νεμ νεϥϣηρι εκϫω `μμος ϫε φαι πε φνομος `ντε νιϭλιλ φαι πε πιϭλιλ εϫεν τεϥμοϩ εϫεν πιμανερϣωουϣι `μπιεϫωρϩ τηρϥ ϣα πιναυ `ντε ϩανατοουι ουοϩ πιχρωμ `ντε πιμανερϣωουϣι εϥεμοϩ εϩρηι εϫωϥ
Leviticus 6:3 ουοϩ ερε πιουηβ εϥεϯϩιωτϥ `νουϩωβς νιαυ νεμ κεϩβος νιαυ εϥνηου εϧρηι ϣα νεϥκαλ εϥετηιϥ ϩιωτϥ εϥκωϯ επεϥςωμα ουοϩ εϥεωλι `μπιϭλιλ φη ετε πιχρωμ ναουομϥ πιϭλιλ εβολ ϧεν πιμανερϣωουϣι εϥεχας ϧατεν πιμανερϣωουϣι
Leviticus 6:4 ουοϩ εϥεβαϣϥ `ντεϥςτολη ουοϩ εϥεϯ ϩιωτϥ νκεςτολη ουοϩ εϥεωλι εβολ `μπιϭλιλ φη ετε πιχρωμ ναουομϥ ςαβολ `νϯπαρεμβολη ϧεν ουμα ε `ϥτουβηουτ
Leviticus 6:5 ουοϩ εϥεμοϩ `νϫε ουχρωμ εϫεν πιμανερϣωουϣι εβολ `μμοϥ ουοϩ `ννεϥϭενο ουοϩ ερε πιουηβ εϥεςαϩϯ εϩρηι εϫωϥ `νϩανροκϩ `νϩανατοουι ϩανατοουι εϥεταλο `μπιϭλιλ εϩρηι εϫωϥ ουοϩ εϥεταλο εϩρηι εϫωϥ `μπιωτ `ντε πιουϫαι
Leviticus 6:6 ουοϩ ουχρωμ εϥεμοϩ εϥμην εϫεν πιμανερϣωουϣι ουοϩ `ννεϥϭενο
Leviticus 6:7 φαι πε φνομος `ντε πιϣουϣωουϣι φη ετουναενϥ εϧουν `νϫε νενϣηρι νααρων νιουηβ `μπεμθο `μπιμανερϣωουϣι
Leviticus 6:8 ουοϩ εϥεωλι εβολ ϧεν τεϥϧορπς εβολ ϧεν πιςεμεδαλιον `ντε πιϣουϣωουϣι νεμ πεϥνεϩ νεμ πεϥλιβανος τηρϥ φη ετϣοπ εϫεν πιϣουϣωουϣι ουοϩ εϥεενου εϩρηι εϫεν πιμανερϣωουϣι ουουταϩ εϥϣηπ ουςθοι νςθυνουϥι `ντε πεϥμευι πε `μ`πϭοις
Leviticus 6:9 φη εταϥςωϫπ εβολ `μμοϥ εϥεουομϥ `νϫε ααρων νεμ νεϥϣηρι ευεουομϥ `νατκωβ ϧεν ουμα εϥουαβ εϧουν ϧεν ουαυλη `ντε ϯςκυνη `ντε ϯμετμεθρε ευεουομϥ
Leviticus 6:10 ννουϫοϥϫεϥ εαϥϭιϣεμηρ αιτηιϥ `νουτοι εβολ ϧεν νιουταϩ ετϣηπ `μ`πϭοις νεθουαβ `ντε νεθουαβ νε νεμ ` μ`φρηϯ `μφα πινοβι νεμ ` μ`φρηϯ `μφα πιϣωϥτ
Leviticus 6:11 ϩωουτ νιβεν `ντε νιουηβ ευεουομϥ ουνομιμον ϣα ενεϩ ενετενϫωου εβολ ϧεν νιουταϩ ετϣηπ `ντε `πϭοις φη νιβεν ετναϭι νεμωου εϥετουβο
Leviticus 6:12 ουοϩ α `πϭοις ςαϫι νεμ μωυςης εϥϫω `μμος
Leviticus 6:13 ϫε φαι πε πιδωρον `ντε ααρων νεμ νεϥϣηρι φη ετουναενϥ εϧουν `μ`πϭοις `νϩρηι ϧεν πιεϩοου ετεκναθοϩςϥ `μμοϥ ουρεμητ `ντε ουωιπι `νςιμεδαλιον εουϣουϣωουϣι νςηου νιβεν τεϥφαϣι ϧεν νιναυ `ντε ϩανατοουι ουοϩ τεϥκεφαϣι ϧεν νιναυ `ντε ϩαναρουϩι
Leviticus 6:14 ευεθαμιοϥ ϧεν ουλακεντ ϧεν ουνεϩ εϥεενϥ εϧουν εϥουοϣεμ `νουϣουϣωουϣι εβολ ϧεν ϩανλακϩ ουϣουϣωουϣι ευςθοι νςθυνουϥι `μ`πϭοις
Leviticus 6:15 πιουηβ ετθαϩς `ντεϥϣεβιω εβολ ϧεν νεϥϣηρι εϥεθαμιοϥ `νουνομος νενεϩ ευεϫοκϥ εβολ τηρϥ
Leviticus 6:16 ουοϩ ϣουϣωουϣι νιβεν `ντε νιουηβ ευεροκϩϥ τηρϥ ουοϩ ννουουομϥ
Leviticus 6:17 ουοϩ α `πϭοις ςαϫι νεμ μωυςης εϥϫω `μμος
Leviticus 6:18 ϫε ςαϫι νεμ ααρων νεμ νεϥϣηρι εκϫω `μμος ϫε φαι πε φνομος εθβε `φνοβι νϧρηι ϧεν `φμα ετουναϧολϧελ `μπιϭλιλ `μμοϥ ευεϧολϧελ μφη εθβε `φνοβι ϩωϥ `μπεμθο `μ`πϭοις νη εθουαβ `ντε νη εθουαβ νε
Leviticus 6:19 ουοϩ πιουηβ ετναενϥ εϩρηι εϥεουομϥ ϧεν ουμα εϥουαβ εϥεουομϥ ϧεν ουαυλη `ντε ϯςκυνη `ντε ϯμετμεθρε
Leviticus 6:20 φη νιβεν ετναϭι νεμ νεϥαϥουι εϥετουβο ουοϩ φη ετουνανουϫϧ εϩρηι εϫωϥ εβολ ϧεν πεϥ`ςνοϥ εϩρηι εϫεν ϩβως νιβεν νταϥ ετουνανουϫϧ εϫωϥ ευεραϧϥ ϧεν ουμα εϥουαβ
Leviticus 6:21 ουοϩ ςκευος νιβεν μβελϫ ετουναφαςου νϧητϥ ευεκαϣϥ εϣωπ δε αυϣανφαςϥ ϧεν ουςκευος `νϩομτ ευεραϧϥ ουοϩ ευειαϥ εβολ ϧεν ουμωου
Leviticus 6:22 ϩωουτ νιβεν ϧεν νιουηβ ευεουομϥ νη εθουαβ `ντε νη εθουαβ νε `μ`πϭοις
Leviticus 6:23 ουοϩ νη τηρου ετε εθβε `φνοβι νη ετουναινι εβολ ϧεν που`ςνοϥ εϧουν εϯςκυνη `ντε ϯμετμεθρε ετωβϩ ϧεν πεθουαβ ννουουομου ευεροκϩου ϧεν ουχρωμ